Чин присоединения лютеран
- Главная
- Библиотека
- Чины присоединения
- Чин присоединения лютеран
Каноническая справка.
Относительно лютеран в Русской Церкви существовало две практики.Согласно первой ,утвержденной на Соборе 1620 года их принимали через Крещение;согласно же второй принятой Святейшим Синодом в 1722 году их миропомазывали.Первая практика основана на том,что учение о святой Троице у лютеран искажено и они практикуют обливание.Вторая же опирается на то,что лютеране верят в Крещение и при нем используют правильную формулу с тремя обливаниями,так что форма их крещения может быть заполненна благодатным содержанием. На сегодняшний день лютеранство претерпела сильные изменения и поэтому решение о том,каким образом следует принимать конкретного еретика должен принимать правящий епископ.
ученiя Православныя Церкве.
По довольнемъ же испытанiи и наставленiи,повелитъ ему исповедати вся грехи,елики отъ юности своея памятствуетъ.Разрешения,по исповеди,не подаетъ ему.Въ часъ же присоединенiя поставляетъ его при входе въ церковь.Архiерей,одеянъ въ мантiю,епiтрахiль,омофоръ и мiтру,или iерей,одеянный въ епiтрахiль и фелонь,станетъ близь церковныхъ дверей,и желающаго быти православнымъ хрiстiаниномъ вопрошаетъ:
Хощеши ли отрещися отъ погрешений и неправостей учения лютеранскаго исповедания ?
Ответъ:Хощу.
Вопрошение:Хощеши ли приити въ соединение веры православно-кафолическия ?
Ответъ:Хощу.
Тогда предстоятель благословляетъ его ,глаголя:
Во имя Отца,и Сына,и Святаго Духа,Аминь.
И возложивъ руку на приклоненную главу его,диакону рекшу:Господу помолимся, и клиру:Господи,помилуй, чтет молитву сию:
Господи Боже истины,призри на раба Твоего (имя),ищущаго прибегнути ко святей Твоей православней Церкви и подъ кровомъ Ея сохранитися.Обрати его отъ заблуждения прежняго пути его ко истинней яже въ Тя вере,и подаждь ему благодать,еже ходити въ заповедехъ Твоихъ.Да будутъ очи Твои взирающе на него милостию выну,и уши твои,еже слышати гласъ моления его,и тако да сопричтится ко избранному Твоему стаду.Тя бо поютъ вся силы небесныя,и Твоя есть слава,Отца и Сына и Святаго Духа,во веки вековъ.Аминь.
По молитве сей,вопрошаетъ приемлимаго:
Отрицаешся ли неправаго учения ,аки бы для изображения догмата о исхождении Святаго Духа не довлеет Самаго Христа Спасителя изречение:Иже от Отца исходит,и аки бы потребно к сему слову Христову прибавление:и от Сына?
Ответъ (далее «О»):Отрицаюся.
В.Отрицаеши ли неправое мнение,аки бы в Таинстве Евхаристии хлеб не прелагается в Тело Христово и не пребывает Телом Христовым,и вино не прилагается в Кровь Христову и не пребывает Кровью Христовою?
О.Отрицаюся.
Вопросъ (Далее»В»).Отрицаешися ли ложнаго учения,аки для спасения довлеет имети токмо веру,и нет нужды ни в таинствах, ни в добрых делах?
О.Отрицаюся.
В.Оставляеши ли последование лжеучителем,иже отвергают пять Таинств: Миропомазание, Покаяние, Брак, Елеосвящение и самое Священство, без негоже несть и чин священнослужительский , и дерзают совершати на токмо Крещение,но и Евхаристию, не имуще преемственнаго от святых апостол иерархическаго рукоположения?
О.Оставляю таких лжеучителей.
В.Отступаеши ли от согласия с лжеучительми,иже не приемлют священнаго Предания,не чтут святых Божиих и поминовение усопших отвергают ?
О.Отступаю невозвратно от сих лжеучителей и их лжеучений.
В.И прочих неправых учений,в лютеранстем исповедании содержимых ,отрицаешися ли?
О.Отрицаюся.
В.Желаеши ли убо соединитися Святей,Православней,Кафоличестей,Восточней Церкви ?
О.Желаю от всего моего сердца.
В.Веруеши ли,и како ,во Единаго Бога,в Троице славимаго,и поклоняешися ли Ему?
О.Верую во Единаго Бога,в Троице славимаго,Отца и Сына и Святаго Духа,и покланяюся Ему.
И сотворив земной поклон,чтет символ веры.
Посем предстоятель глаголет:
Благословенъ Богъ,просвещаяй всякаго человека,грядущаго въ мiръ.
И присоединяемого вопрошает:
В.Апостольская правила и другая,на Седми Вселенских и Девяти Поместных Соборех постановленная,и прочая Православныя Церкви предания и уставы приемлиши ли?
О.Приемлю.
В.Обещаешися ли Священное Писание по истолкованию,еже предаша нам Отцы и Учителие Церковнии,и еже собержит Православная Церковь,испытовати и уразумевати?
О.Обещаюся и потщуся.
В.Веруеши ли,яко в Церкви Своей святей Господь наш Иисус Христос учредил Таинств седмь,яко необходимых:Крещение,Миропомазание,Причащение,Покаяние,Священство,Брак и Елеосвящение,чрез нихже подаваемою благодатию вернии раби Христовы бывают наследницы жизни вечныя?
О.Сице о святых Таинствах верую,и оная седмь в Церкви Божией,ко спасению чад Ея,необходимыми исповедую.
В.Веруеши ли,яко в Евхаристии,под таинственными виды хлеба и вина,причащаются вернии Тела и Крове Господа нашего Иисуса Христа во оставление грехов и в жизнь вечную?
О.Верую и исповедую.
В.Веруеши ли ,яко молитвы святых действуют пред Богом во спасение наше,и мощи их,нетлением и чудесы прославленныя,достойны суть чествования?
О.Верую и исповедую.
В.Обещаеши ли иконы святые,в Православной Церкви принимаемые ,по разуму Ея почитати,относя чествование им к первообразному,ими изображенному?
О.Обещаю чествовати,как в Православной Церкви заповедано. зываю.
В.Веруеши ли ты,что Христос есть Глава Церкви,и Он дал есть пастырям Ея власть вязати и решити грехи человеков,благодатию Святаго Духа,рек апостолом:Приимите Дух Свят.Им же от-
пустите грехи,отпустятся им:и имже держите,держатся?
О.Верую,и послушание священноначалию церковному обещаю.
В.Сие,что изрек ты,от всей ли души твоей и от всего помышления твоего исповедуеши ,не принуждением ли к христианской вере приходиши,и от свободнаго ли произволения желаеши ли присоединитися ко Святей Церкви?
О.Истинно все,что аз изрек,сие исповедую,и содержати до конца жития моего содержати потщуся,нелицемерно ко христианстей вере прихожду и присоединитися ко святей Церкви желаю.
Посем предстоятель подает присоединяемому конец омофора,аще святитель,или конец епитрахили,аще иерей,и глаголет:
Вниди в Церковь Православную,и совершенно отринув заблуждения,в нихже был еси,чти Отца Вседержителя,Сына Его Иисуса Христа,и Духа Святаго,иже от Отца исходит,Троицу единосущную и нераздельную.
И тако введ ,поставляет его пред амвоном,идеже на столе положени суть Крест и Евангелие.Идущим же им ,поется псалом 66:
Боже,ущедри ны и благослови ны,просвети лице Твое на ны и помилуй ны:познати на земли путь Твой,во всех языцех спасение Твое.Да исповедятся Тебе людие ,Боже:да исповедятся Тебе людие вси.Да возвеселятся и да возрадуются языцы:яко судиши людем правостию и языки на земли наставиши.Да исповедятся Тебе людие ,Боже,да исповедятся Тебе людие вси.Земля даде плод свой:благослови ны,Боже Боже наш,благослови ны,Боже:и да убоятся Его вси концы земли.
Таже предстоятель повелит ему колена преклонити и глаголет сам стихи сия:
Посли Духъ Твой,и созиждутся,и обновиши лице Земли.
Спаси раба Твоего, Боже мой,уповающаго на Тя.
Буди ему ,Господи ,столпъ крепости отъ лица вражия.
Господи Боже Вседержителю,согрешающимъ образы покаяния предлагаяй и заблуждшимъ путь правый показуяй,во еже бы ни единому погибнути,но всемъ мощно бе спастися.Благодаримъ Тя ,яко и сему рабу Твоему (имя рекъ) возсиялъ еси светъ познания Твоея истины,и сподобилъ еси его ко святей Твоей Православно-Кафоличестей Церкви прибегнути.Даждь убо ему соединитися оней нелицемерно и невозвратно :сопричти его избранному Твоему стаду:сотвори его сосудъ честенъ и жилище Святаго Твоего Духа,яко да темъ всегда просвещаемь и наставляемь,спасительныя заповеди Твоя нерушимо соблюдетъ,и тако небесныхъ Твоихъ благихъ восприятия сподобится .Ты бо еси Богъ милости и щедротъ и человеколюбия,и Тебе славу возсылаемъ,Отцу и Сыну и Святому Духу,ныне и присно и во веки вековъ.Аминь.
По молитве повелевает ему возстати,глаголя:
Стани добре,стани со страхомъ,и предъ Евангелиемъ и святымъ Крестомъ Спасителя утверди данное тобою обещание.
Он же ,возстав,речет:
Веру православно-кафолическую,юже ныне добровольне исповедую,целу и ненарушиму даже до конечнаго моего издыхания,Богу помогающу,твердо содержати ,и заповеди ея радетельно и радостно исполняти потщуся,соблюдая въ непорочности ,елико мощно сердце мое.Во уверение сего моего обещания целую словеса и Крест Спасителя моего.Аминь.
По лобызании ,предстоятель глаголет:
Благословенъ Богъ,хотяй всемъ человекомъ спастися и въ разумъ истины приити,сый благословенъ во веки.
Клир :Аминь.
Посем глаголет:
Преклони колена Твоя предъ Господемъ Богомъ,егоже исповедалъ еси,и приимеши оставление греховъ твоихъ.
Преклоншу ему колена и главу,предстоятель разрешает его, сице:
Господь нашъ Иисусъ Христосъ,ключи царствия небеснаго апостоломъ вручивый,и давый имъ и ихъ преемникомъ власть вязати и решити грехи человековъ,чрезъ мене ,недестойнаго архиерея (иерея),прощаетъ тя,чадо (имя рекъ) ,и разрешаетъ от связания клятвеннаго или запрещения,и от всехъ греховъ Твоихъ.И азъ,данною мне от Него властию,присоединяю тя ко православней Церкви и привожду ко общению божественныхъ Таинствъ церковныхъ,и благословляю тя Именемъ Отца и Сына и Святаго Духа.Аминь.
Посем присоединенный станет,ожидая миропомазания.