Чин присоединения свидетелей иеговы

Общество «Свидетелей Иеговы» основано в 1870 году Ч.Расселом и придерживается крайних арианских воззрений, близких аномейству (евномианству). В согласии с 7 правилом II Вселенского собора, члены этого общества, не имевшие православного Крещения присоединяются к Церкви как язычники. «В первый день делаем их христианами, во второй оглашенными, потом в третий заклинаем их,с троекратным дуновением в лице, и во уши: и тако оглашаем их, и заставляем пребывати в Церкви, и слушати Писания, и тогда уже крещаем их.» Но перед чинопоследованием Крещения они обязаны отречься от всех своих заблуждений. Порядок присоединения должен регламентироваться епархиальным архиереем. Он, в соответствии с постановлением Святейшего Синода (1840.II.20), может разрешить присоединение сектантов через Крещение и без испрашивание каждый раз на то разрешения. Лица принявшие Крещение в Православной Церкви и затем совращенные в секту должны также пройти чин присоединения, а затем, по правилу св.Мефодия патриарха Константинопольского, над ними читаются «Молитвы очистительные о от отвержения обращающихся ко истинней вере», и они сподобляются благодати св.Мира. Так как это действие относится к разряду публичной исповеди, то оно может совершаться лишь архиереем или с его благословения (Карф.пр.6,7).

Архiерей или iерей, приходящаго да испытаетъ, како разумеетъ ученiе Свидетелей Iеговы: таже покажетъ ему отличiе онаго отъ ученiя Православныя Церкве.

По довольнемъ же испытанiи и наставленiи, повелитъ ему исповедати вся грехи, елики отъ юности своея памятствуетъ. Разрешения, по исповеди, не подаетъ ему. Въ часъ же присоединенiя поставляетъ его при входе въ церковь. Архiерей, одеянъ въ мантiю, епiтрахiль, омофоръ и мiтру, или iерей, одеянный въ епiтрахiль и фелонь, станетъ близь церковныхъ дверей, и желающаго быти православнымъ хрiстiаниномъ вопрошаетъ:

Хощеши ли отрещися отъ погрешений и неправостей глаголемыхъ свидетелей Иеговы ?

Ответъ: Хощу.

Вопрошение: Хощеши ли приити въ соединение веры православно-кафолическия ?

Ответъ: Хощу.

Тогда предстоятель благословляетъ его, глаголя:

Во имя Отца, и Сына, и Святаго Духа, Аминь.

И возложивъ руку на приклоненную главу его, диакону рекшу: Господу помолимся, и клиру: Господи, помилуй, чтет молитву сию:

Господи Боже истины, призри на раба Твоего (имя), ищущаго прибегнути ко святей Твоей православней Церкви и подъ кровомъ Ея сохранитися. Обрати его отъ заблуждения прежняго пути его ко истинней яже въ Тя вере, и подаждь ему благодать, еже ходити въ заповедехъ Твоихъ. Да будутъ очи Твои взирающе на него милостию выну ,и уши твои, еже слышати гласъ моления его, и тако да сопричтится ко избранному Твоему стаду. Тя бо поютъ вся силы небесныя, и Твоя есть слава, Отца и Сына и Святаго Духа, во веки вековъ. Аминь.

По молитве сей, вопрошаетъ приемлимаго:

Отрицаешся ли ты безбожнаго учения, что Господь нашъ Иисусъ Христосъ есть тварь, и до вочеловечения былъ архангеломъ Михаиломъ, а не есть единородный Сынъ и Богъ, единосущный Отцу?

Ответъ (далее «О»): Отрицаюся и анафематствую думающихъ тако.

Вопросъ (далее»В»):Отрицаешся ли ты бесовскаго учения, яко Дух Святый есть некая безличная сила иносущная Отцу и Сыну, а не есть личный истинный Богъ, отъ Отца исходящий?

О.Отрицаюся и исповедую, яко верующимъ тако нестъ прощения, по слову Христову, не въ семъ веце, не въ будущемъ.

В.Отрицаешися ли ты скудоумия говорящих, яко Бог слышит лишь обращающихся к Нему с именем «Иегова»?

О.Отрицаюсь.

В.Отрицаешися ли ты ереси, яко Христос воскрес лишь духовно, а не в том теле, в немже и пострадал?

О.Отрицаюсь.

В.Отрицаешися ли ты заблуждения, что души людей после смерти засыпают, а не есть бессмертны по дару Божию?

О.Отрицаюсь.

В.Отрицаешися ли ты ереси, говорящей будто Второе Пришествие Господне уже было, а грядет некое «тысячелетнее царстово»?

О.Отрицаюсь.

В.Проклинаешь ли ты лжеучителей Рассела, Рутерфорда, Франца и все их хуления, изрыгаемые против Бога в Троице славимого и Его Святой Православной Церкви ?

О.Проклинаю и анафематствую. Общения с подобными сим лжеучителями имети впредь не буду.

В.Желаеши ли убо соединитися Святей, Православней, Кафоличестей, Восточней Церкви?

О.Желаю от всего моего сердца.

В.Веруеши ли, и како, во Единаго Бога, в Троице славимаго, и поклоняешися ли Ему?

О.Верую во Единаго Бога, в Троице славимаго, Отца и Сына и Святаго Духа, и покланяюся Ему.

И сотворив земной поклон, чтет символ веры.

Посем предстоятель глаголет:

Благословенъ Богъ, просвещаяй всякаго человека, грядущаго въ мiръ.

И присоединяемого вопрошает:

Обещаешися ли Священное Писание по истолкованию, еже предаша нам Отцы и Учителие Церковнии, и еже собержит Православная Церковь, испытовати и уразумевати?

О.Обещаюся и потщюся.

В.Веруеши ли ты, что Господь Иисус Христос есть истинный Бог и Сын Божий по природе, а не по усыновлению, единосущный Отцу и Духу, и родившийся из сущности Отца прежде всех веков?

О.Так верую и исповедую, и воздаю Ему боголепное поклонение.

В.Веруеши ли, яко Бог Сын, не отлучаяся от Отца, поистине стал совершенным Человеком из тела и разумной, бессмертной души и исповедуеши ли Его Единым по Ипостаси в двух природах познаваемой?

О.Так верую и исповедую.

В.Веруеши ли ты, что истинный Бог наш Иисус Христос воистину воскресил Свое пречистое Тело, Которое и принес в искупительную Жертву Святой Троице на Кресте, и избавил нас Своею смертию и воскресением от греха, проклятия и смерти?

О.Так верую и исповедую.

В.Веруеши ли в Духа Святаго, Личнаго Бога, исходящаго от Бога Отца прежде всех веков, несотвореннаго, Самовладычнего и поистине Сущаго, единосущнаго Отцу и Сыну?

О.Так верую и поклоняюся Ему.

В.Веруеши ли ты, что души людей по смерти пребывают в сознательном ожидании всеобщаго воскресения и праведнаго мздовоздаяния?

О.Так верую.

В.Веруеши ли в грядущее Второе Славное пришествие Господа Иисуса Христа, когда явится Он телесно во славе Своей, воздаст каждому по делам Его и царствию Его не будет конца?

О.Так верую и ожидаю Его Страшнаго Суда, когда праведники наследуют жизнь вечную,а грешники — нескончаемое мучение.

В.Обещаеши ли иконы святые, в Православной Церкви принимаемые, по разуму Ея почитати, относя чествование им к первообразному, ими изображенному?

О.Обещаю чествовати, как в Православной Церкви заповедано.

В.Веруеши ли ты, что Дева Матия, родившая Христа Бога нашего, есть Приснодева и воистину Богородица, и того ради достойно есть почитати Ея, как честнейшую херувим и высшию сил бесплотных, и поклонятся Ей благоговейно, как первейшей о нас к Богу Ходатаице?

О.Так верую и в молитвах прибегати к Ней потщуся.

В.Веруеши ли ты, яко Крест Господа нашего Иисуса Христа, на нем распятаго, не есть с тех пор орудие проклятия и смертной казни, но спасения и жизни вечной знамение, еже на себе изображающе, сетей вражиих избегаем?

О.Сице о Кресте Господнем верую, и сим спасительным знамением ограждати себе от сетей лукаваго со упованием потщуся.

В.Веруеши ли,яко в Церкви Своей Святей Господь наш Иисус Христос учредил есть седмь таинств, яко необходимых: Крещение, Миропомазание, Причащение, Покаяние, Священство, Брак и Елеосвящение, чрез нихже подаваемою благодатию вернии раби Христовы бывают наследницы вечной жизни?

О.Сице о святых таинствах верую, и оная седмь в Церкви Божией, ко спасению чад Ея, необходимыми исповедую.

В.Веруеши ли ты, что апостоли, мученицы и все святии, ихже наша Церковь чтит и в молитвах призывает, есть воистину угодники Божии, со Христом во Царствии Небеснем пребывают и о нас грешных молятся?

О.Верую, и святых угодников Божиих отныне в молитвах призываю.

В.Веруеши ли ты, что Христос есть Глава Церкви, и Он дал есть пастырям Ея власть вязати и решити грехи человеков, благодатию Святаго Духа, рек апостолом: Приимите Дух Свят. Им же отпустите грехи, отпустятся им:и имже держите, держатся?

О.Верую, и послушание священноначалию церковному обещаю.

В.Сие, что изрек ты, от всей ли души твоей и от всего помышления твоего исповедуеши, не принуждением ли к христианской вере приходиши, и от свободнаго ли произволения желаеши ли присоединитися ко Святей Церкви?

О.Истинно все, что аз изрек, сие исповедую, и содержати до конца жития моего содержати потщуся, нелицемерно ко христианстей вере прихожду и присоединитися ко святей Церкви желаю.

Посем предстоятель подает присоединяемому конец омофора, аще святитель, или конец епитрахили, аще иерей, и глаголет:

Вниди в Церковь Православную, и совершенно отринув заблуждения, в нихже был еси, чти Отца Вседержителя, Сына Его Иисуса Христа, и Духа Святаго, иже от Отца исходит, Троицу единосущную и нераздельную.

И тако введ, поставляет его пред амвоном, идеже на столе положени суть Крест и Евангелие. Идущим же им, поется псалом 66:

Боже, ущедри ны и благослови ны, просвети лице Твое на ны и помилуй ны: познати на земли путь Твой, во всех языцех спасение Твое. Да исповедятся Тебе людие, Боже:да исповедятся Тебе людие вси. Да возвеселятся и да возрадуются языцы: яко судиши людем правостию и языки на земли наставиши. Да исповедятся Тебе людие, Боже, да исповедятся Тебе людие вси. Земля даде плод свой:благослови ны, Боже Боже наш, благослови ны, Боже:и да убоятся Его вси концы земли.

Таже предстоятель повелит ему колена преклонити и глаголет сам стихи сия:

Посли Духъ Твой, и созиждутся, и обновиши лице Земли.

Спаси раба Твоего, Боже мой, уповающаго на Тя.

Буди ему, Господи , столпъ крепости отъ лица вражия.

Господи, услыши молитву мою, и вопль мой къ Тебе да приидетъ.

По изглаголании, диакону рекшу: Господу помолимся, и клиру: Господи ,помилуй, чтет со умилением молитву сию:

Господи Боже Вседержителю, согрешающимъ образы покаяния предлагаяй и заблуждшимъ путь правый показуяй, во еже бы ни единому погибнути, но всемъ мощно бе спастися. Благодаримъ Тя, яко и сему рабу Твоему (имя рекъ) возсиялъ еси светъ познания Твоея истины, и сподобилъ еси его ко святей Твоей Православно-Кафоличестей Церкви прибегнути. Даждь убо ему соединитися оней нелицемерно и невозвратно: сопричти его избранному Твоему стаду:сотвори его сосудъ честенъ и жилище Святаго Твоего Духа, яко да темъ всегда просвещаемь и наставляемь, спасительныя заповеди Твоя нерушимо соблюдетъ, и тако небесныхъ Твоихъ благихъ восприятия сподобится. Ты бо еси Богъ милости и щедротъ и человеколюбия, и Тебе славу возсылаемъ, Отцу и Сыну и Святому Духу, ныне и присно и во веки вековъ. Аминь.

По молитве повелевает ему возстати,глаголя:

Стани добре, стани со страхомъ, и предъ Евангелиемъ и святымъ Крестомъ Спасителя утверди данное тобою обещание.

Он же, возстав, речет:

Веру православно-кафолическую, юже ныне добровольне исповедую, целу и ненарушиму даже до конечнаго моего издыхания, Богу помогающу, твердо содержати, и заповеди ея радетельно и радостно исполняти потщуся, соблюдая въ непорочности, елико мощно сердце мое. Во уверение сего моего обещания целую словеса и Крест Спасителя моего. Аминь.

По лобызании, предстоятель глаголет:

Благословенъ Богъ, хотяй всемъ человекомъ спастися и въ разумъ истины приити, сый благословенъ во веки.

Клир: Аминь.

Посем глаголет:

Преклони колена Твоя предъ Господемъ Богомъ, егоже исповедалъ еси, и приимеши оставление греховъ твоихъ.

Преклоншу ему колена и главу, предстоятель разрешает его, сице:

Господь нашъ Иисусъ Христосъ, ключи царствия небеснаго апостоломъ вручивый, и давый имъ и ихъ преемникомъ власть вязати и решити грехи человековъ, чрезъ мене, недостойнаго архиерея (иерея), прощаетъ тя, чадо (имя рекъ), и разрешаетъ от связания клятвеннаго или запрещения, и от всехъ греховъ Твоихъ. И азъ, данною мне от Него властию, присоединяю тя ко православней Церкви и привожду ко общению божественныхъ Таинствъ церковныхъ, и благословляю тя Именемъ Отца и Сына и Святаго Духа. Аминь.

Посем аще некрещен есть в Церкви, сподобляется честной купели, аще же крещен миропомазуется по чину святаго Мефодия об приходящих от отступления. И абие посем приступает ко святейшему Причащению.